کراچی کے علاقے سہراب گوٹھ پر فائرنگ سے زخمی ہونے کے واقعے پر پولیس بیان سامنے آ گیا، دونوں خواتین کو زخمی حالت میں اسپتال منتقل کر دیا گیا۔

ہفتے کے روز سہراب گوٹھ سے متصل سپر ہائی کے قریب خاتون کار سوار کی گاڑی پر نامعلوم ملزمان کی جانب سے فائرنگ کی، جس سے کار سوار خاتون اور ساتھی بیٹھی لڑکی زخمی ہو گئی۔

تاہم اب پولیس کی جانب سے باقاعدہ بیان سامنے آ گیا ہے، جس کے مطابق کار سوار خاتون سے ملزمان لوٹ مار کر رہی تھے کہ اسی دوران خاتون نے گاڑی کی رفتار تیز کر دی۔

ایسے میں ملزمان نے رکنے کا اشارہ کیا تاہم نہ رکنے پر خاتون کی گاڑی پر فائرنگ کر دی۔ جس سے خاتون اور ساتھ بیٹھی لڑکی زخمی ہو گئی۔

پولیس کے مطابق زخمی خواتین کی شناخت 35 سالہ نایاب اور 16 سالہ فریال کے نام سے ہوئی ہیں۔

ملزمان فائرنگ کے بعد فرار ہونے میں کامیاب ہوگئے۔