راولپنڈی مین پولیس مقابلے کے دوران 3 ملزمان زخمی حالت میں گرفتار کر لیے، جبکہ دیگر ملزمان فرار ہونے میں کامیاب ہو گئے۔

تھانہ ویسٹریج کی حدود میں راولپنڈی پولیس اور ملزمان کے درمیان پولیس مقابلہ ہوا، پولیس کی جوابی کاروائی میں ڈکیت زخمی حالت میں گرفتار کرلیے گئے، تاہم ساتھی فرار ہو گئے۔

راولپنڈی کے علاقے کچہ اسٹاپ پر اُس وقت پولیس کی جانب سے ملزمان پر فائرنگ کی گئی، جب پولیس کو 2 موٹر سائیکل سوار 6 افراد کو شک کی بنیاد پر روکنے کی کوشش کی، تاہم ملزمان نہیں رکے۔

جس پر پولیس نے فوری کاروائی کرتے ہوئے ملزمان کا تعاقب کیا اور پولیس مقابلے میں 3 ملزمان کو زخمی حالت میں گرفتار کر لیا۔

گرفتار ملزمان کی شناخت جبار، ابرار اور قدیر کے نام سے ہوئی جبکہ ساتھی ملزمان کی گرفتاری کے لیے پولیس نے کاروائی شروع کر دی ہے۔