نگراں وزیراطلاعات بلوچستان جان اچکزئی نے کہا ہے کہ پی ٹی آئی پاکستان کو بدنام کررہی ہے، اس جماعت نے امریکی لابیوں کی خدمات حاصل کی ہیں۔

کوئٹہ میں بات چیت کرتے ہوئے جان اچکزئی نے کہا کہ عوام نے 9 مئی کے ذمہ داروں کو مسترد کردیا، پی ٹی آئی نےعالمی میڈیا کے سامنے خود کو بےنقاب کیا۔

انھوں نے کہا کہ پی ٹی آئی دھاندلی کے ثبوت نہیں دے سکتی، پی ٹی آئی کے پاس فارم 45 نہیں ہے۔

ان کا کہنا تھا کہ پی ٹی آئی کا مقصد قوم میں کنفیوژن پیدا کرنا ہے، تحریک انصاف کے تمام حربے ناکام ہو چکے ہیں۔