کراچی کے علاقے ناظم آباد نمبر دو میں ملٹی چوک کے قریب تجاوزات کے خلاف آپریشن کے دوران قصاب چھریاں لے کر اہلکاروں پر چڑھ دوڑے۔

پولیس کا کہنا ہے کہ کے ڈی اے کی ٹیم علاقے سے تجاوزات کا خاتمہ کرنے پہنچی تھی، اور ڈسٹرکٹ پولیس معاونت کر رہی تھی۔

پولیس کے مطابق اس دوران قابضین نے اہلکاروں پر حملہ کیا، مبینہ طور پر قصاب نے چھریوں سے حملہ کیا، جس سے چار اہلکار زخمی ہوئے۔

پولیس کے مطابق حملے میں ملوث تین ملزمان کو گرفتار کرلیا گیا ہے، جبکہ زخمی اہلکاروں کو اسپتال منتقل کردیا گیا ہے۔