کراچی میں بارش کے بعد ملیر میں فصلیں اور باغات لہلہا اٹھے۔

کراچی میں ہفتے کو ہونے والی موسلا دھار بارش نے ایک طرف شہر کی صورتحال بگاڑ کر رکھ دی، تو دوسری طرف ملیر کے دیہی علاقوں میں بارش رحمت بن گئی۔

برسات سے مکینوں کے چہرے خوشی سے کھل اٹھے ہیں کیونکہ ملیر اور گرد و نواح میں برسات سے ہزاروں ایکڑ رقبے پر سبزیوں کی فصلیں، باغات، کھیت کھلیان لہلہا اٹھے ہیں۔

درسنہ چھنہ، کاٹھوڑ ، گڈاپ میں دیگر فصلوں کے ساتھ زرعی اراضی پر کھڑی گندم کو بھی فائدہ ہوا۔