سندھ میں اب عوام گھر بیٹھے الیکٹرانک طریقہ سے بورڈ آف ریوینیو کو اپنی جائیداد کی رجسٹریشن کے لئے درخواست یا دستاویزات جمع کرا سکیں گے۔

عوام بورڈ آف ریوینیو کو جائیداد کی دستاویزات کی بھی درخواست جمع کراسکیں گے۔

گورنرسندھ کامران ٹیسوری نے سندھ رجسٹریشن ترمیمی آرڈیننس دو ہزار چوبیس کی منظوری دے دی، آرڈیننس کے تحت حق ملکیت کے لئے دائر دستاویزات کی ڈیٹا بیس سے آن لائن تصدیق کی جائے گی۔

گورنرکے دستخط کے بعد آرڈیننس کا فوری اطلاق صوبہ پر ہوجائے گا۔

گورنر سندھ نے آرڈیننس کی منظوری آئین کے تحت حاصل اختیارات کے تحت دی ہے۔

دستاویزات کی تصدیق، فیس یا ٹیکس کی ادائیگی کے لیے بزریعہ ایس ایم ایس یا ای میل مطلع کیا جائے گا۔