گزشتہ روز کراچی کے علاقے نیو کراچی سیکٹر 7 میں پانچ سالہ بچہ ندی میں گرگیا تھا، جس کی لاش مل گئی ہے۔

ریسکیو حکام کے مطابق پانچ سالہ عثمان کی تلاش کے لیے آپریشن کچھ دیر پہلے ہی شروع کیا گیا، ندی میں گرنے والے بچے کی لاش ایدھی سینٹر منتقل کردی گئی ہے۔

حکام کے مطابق ہیوی مشینری اور غوطہ خوروں کی مدد سے بچے کو تلاش کیا گیا۔

گزشتہ روز پانچ سالہ عثمان کو ندی میں مسلسل تقریباً 7 گھنٹے تک تلاش کیا گیا تھا، مغرب کے وقت ریسکیو آپریشن عارضی طور پر روک دیا گیا تھا۔