کراچی کا سیاسی مرکز باغ جناح جہاں بڑی بڑی سیاسی جماعتیں بڑے بڑے دعوے کرتی نظر تو آتی ہیں، مگر آج تک اس باغ کی حالت کوئی بدل نہ سکا۔

علاقہ مکینوں نے بتایا جلسوں کے لئے اس کی صفائی تو کی جاتی ہیں لیکن مکمل اس کی کوئی دیکھ بھال نہیں۔

علاقہ مکینوں نے آج نیوز کو بتایا اس باغ میں کچرے کا ڈھیر ہے اور یہاں منشیات کے عادی افراد کے ساتھ ساتھ پارکنگ مافیا کا بھی ڈیرہ ہے۔

اٹھائیس ایکڑ پر محیط یہ باغ انتظامیہ کی غفلت کا منہ بولتا ثبوت ہے، جو جلسوں کے لئے تو یاد رہتا ہے لیکن اس کے بعد اسے بھلا دیا جاتا ہے۔