قلات میں جوڈیشل لاک اپ سے 6 خطرناک قیدی فرار ہوگئے، جن میں سزائے موت کے قیدی بھی شامل ہیں۔

پولیس ذرائع کے مطابق بلوچستان کے ضلع قلات میں واقع جوڈیشل لاک اپ سے 6 خطرناک قیدی فرار ہوگئے۔

پولیس ذرائع کا کہنا ہے کہ تمام قیدی لاک اپ توڑ کرفرار ہوئے، اور فرار ہونے والوں میں 302 کے قیدی بھی شامل ہیں۔

پولیس حکام کا کہنا ہے کہ علاقے کو گھیرے میں لے کر ناکہ بندیاں کردی گئی ہیں، اور فرار قیدیوں کی تلاش جاری ہے۔