خواجہ سرا نایاب علی نے اسلام آباد کے حلقے این اے 46 اور 47 سے کاغذات نامزدگی جمع کرائے ہیں۔

پشاور اور مانسہرہ کے بعد ایک اور خواجہ سرا اسلام آباد سے انتخابی میدان میں اترا ہے۔ نایاب علی نے حلقہ این اے 46 اور 47 سے کاغذات نامزدگی جمع کرائے ہیں۔

نایاب علی کا کہنا ہے کہ وفاقی دارالحکومت اسلام اباد سہولیات سے محروم ہوتا جارہا ہے، اس شہر میں 500 سے زیادہ کچی آبادیاں ہیں جو حکومتی توجہ کے منتظر ہیں۔

مزید پڑھیں:

پشاور کے بعد ہری پور سے خواجہ سرا رہنماء نے کاغذات نامزدگی جمع کرا دیے

پشاور کے حلقہ پی کے 81 سے خواجہ سرا نے کاغذات نامزدگی جمع کرادیے

الیکشن میں خواجہ سرا کی نشست مختص کرنے کیلئے ہائیکورٹ میں درخواست دائر

خواجہ سرا نایاب علی کا کہنا تھا کہ وہ مسائل کے حل کیلئے عوامی آواز بنیں گی۔

واضح رہے کہ پشاور سے تعلق رکھنے والی خواجہ سراء صوبیا خان نے حلقہ پی کے 81 سے صوبائی سیٹ پر آزاد حیثیت سے کاغذات نامزدگی جمع کرارکھے ہیں۔ جب کہ ہری پور کے حلقے پی کے 46 سے خواجہ سرا شی میل ایسوسی ایشن کی صدر صائمہ شوکت نے بھی کاغذات نامزدگی جمع کروائے ہیں۔