فقیرا گوٹھ کے قریب موٹرسائیکل سواروں کو رکنے کا اشارہ کرنے پر ملزمان نے فائرنگ کردی، جس کے نتیجے میں ایک اہلکار شدید زخمی ہوگیا۔

کراچی سپرہائی وے فقیراگوٹھ کے قریب نامعلوم موٹرسائیکل سوار مسلح ملزمان کی پولیس اہلکاروں پر فائرنگ سے ایک اہلکار زخمی ہوگیا، جس کی شناخت آصف کے نام سے ہوئی ہے۔

پولیس کے مطابق پولیس اہلکاروں نے موٹرسائیکل سوار ملزمان کو رکنے کا اشارہ کیا، تو انہوں نے پولیس ٹیم پر فائرنگ کردی، اور فرار ہوگئے، جب کہ موقع پر موجود ٹیم نے زخمی اہلکار آصف کو اسپتال منتقل کردیا۔