کراچی کے علاقے لانڈھی کے تھانے میں اتفاقیہ چلنے والی گولی دو پولیس اہلکاروں کے سینے سے پار ہوگئی۔

گولی چلنے کا واقعہ پیر کی صبح ساڑھے سات بجے پیش آیا، کانسٹیبل علی احمد ڈی ایس پی ٹریفک سیکشن لانڈھی کا پسٹل چیک کررہا تھا کہ گولی چل گئی، جو فہمید اور گلشیر نامی دو اہلکاروں کے سینے سے آر پار ہوگئی۔

دونوں اہلکاروں کو جناح اسپتال منتقل کیا گیا، ایک زخمی اہلکار دوران علاج دم توڑ گیا جس کی شناخت فہمید کے نام سے ہوئی، جاں بحق اہلکار ٹریفک سیکشن شاہ فیصل ضلع کورنگی میں تعینات تھا۔

مزید پڑھیں

کراچی میں آتشزدگی کا ایک اور واقعہ، آگ فلیٹ کی بالائی منزل پر لگی

چارے کے 4000 روپے مانگنے پر زمیندار نے کسان کو قتل کردیا

پیزا کے پیسے مانگنے پر ڈیلیوری بوائے قتل

زخمی کانسٹیبل گلشیر ٹریفک سیکشن کورنگی صنعتی ایریا ضلع کورنگی میں تعینات ہے۔

دونوں اہلکار ٹریفک سیکشن تھانہ لانڈھی کے بیریکس میں رہائش پذیر تھے۔