نگراں وزیراطلاعات بلوچستان جان اچکزئی کا کہنا ہے کہ مارچ شرکا ایجنڈے پر ہیں، بسوں سے اتار کر شناختی کارڈ دیکھ کرلوگوں کو قتل کیا گیا۔

کوئٹہ میں پریس کانفرنس کرتے ہوئے بلوچستان کے نگران وزیراطلاعات جان اچکزئی کا کہنا تھا کہ دہشت گردوں کو کھلی چھوٹ نہیں دی جاسکتی، ناراض بلوچ کمانڈرز کے قومی دھارے میں شامل ہونے سے بھارت کو دھچکا لگا۔

جان اچکزئی کا کہنا تھا کہ لانگ مارچ کے شرکا مخصوص ایجنڈے پرعمل پیرا ہیں، بسوں سے اتار کر شناختی کارڈ دیکھ کرلوگوں کو قتل کیا گیا، لانگ مارچ میں شامل کسی خاتون پر تشدد نہیں کیا گیا، ریاست اپنے ادارے کوغیرمسلح نہیں کرسکتی۔