سوات کے سیاحتی مقام کالام میں مکان کی چھت گرنے کے نتیجے میں 2 بچے جاں بحق اور ایک زخمی ہوگیا۔

سوات کے سیاحتی مقام کے دور آفتادہ گاؤں ناظم آباد میں مکان کی چھت گرنے کا دلخراش واقعہ پیش آیا ہے جہاں چھت منہدم ہونے سے کمرے میں موجود 2 بچے جاں بحق ہوگئے جبکہ واقعے میں ایک شخص زخمی بھی ہوگیا۔

پولیس ذرائع کے مطابق جاں بحق ہونے والے بچوں اور زخمی شخص کو کالام اسپتال منتقل کردیا گیا ہے۔

کالام پولیس کا کہنا ہے کہ چھت بوسیدہ ہونے کے باعث گری ہے۔