سندھ میں پولیس افسران کے بڑے پیمانے پر تبادلوں کا فیصلہ کرلیا گیا۔

نگراں وزیر اعلیٰ سندھ جسٹس ریٹائرڈ مقبول باقر نے پولیس افسران کے تبادلوں کی سمری الیکشن کمیشن کو ارسال کردی۔

ترجمانِ وزیراعلیٰ کے مطابق ساجد سدوزئی ایس ایس پی سائوتھ تعینات ہوں گے جب کہ زبیر نذیر شیخ کو ایس ایس پی سکھر تعینات کرنے کا فیصلہ کیا گیا ہے۔

ذرائع کا کہنا ہے کہ قمر رضا جسکانی ایس ایس پی جیکب آباد، آصف رضا بلوچ ایس ایس پی مٹیاری، کلیم ملک ایس ایس پی قمبر شہدادکوٹ کی ذمہ داریاں سمبھالیں گے۔

اس کے علاوہ میر روحیل کھوسو ایس ایس پی بدین، بشیر بروہی ایس ایس پی کشمور کندھکوٹ جب کہ سہائے عزیز ٹالپر ایس ایس پی نوشھروفیروز تعینات ہوں گی۔