کشمور میں گھیل پور کچے کے علاقے میں پولیس نے ڈاکوؤں کے خلاف آپریشن کیا، تاہم، ڈاکوؤں نے ایس ایچ او گھیل پور سمیت پولیس نفری کو ہی یرغمال بنالیا۔

ڈاکوؤں نے آپریشن کے دوران پولیس پر راکٹ لانچر سے فائر کیے اور پولیس پارٹی کو گھیر لیا۔

ذرائع کے مطابق ڈاکوؤں نے ایس ایچ او گھیل پور سمیت بیس اہلکاروں کو یرغمال بنایا ہے۔ ڈاکوؤں نے بکتربند اور دو پولیس موبائلوں کو بھی قبضے میں لے لیا۔

ذرائع کا کہنا ہے کہ پولیس جرائم پیشہ افراد کے خلاف آپریشن کررہی تھی، اہلکاروں کی رہائی کیلئے پولیس کے ڈاکوؤں سے مذاکرات جاری ہیں۔