الیکشن کمیشن نے عام انتخابات کی تیاریاں مکمل ہونے پر اطمینان کا اظہار کیا ہے، جبکہ بیلٹ پیپرز کی طباعت کے انتظامات بھی مکمل کرلیے گئے ہیں۔

جمعرات کو چیف الیکشن کمشنر سکندر سلطان راجہ کی زیرِ صدارت اجلاس میں حلقہ بندیوں اور عذرداریوں پر سماعت مکمل کی گئی۔

اجلاس کے بعد الیکشن کمیشن کی جانب سے جاری اعلامیے میں بتایا گیا کہ حتمی حلقہ بندیوں کی فہرست 30 نومبر کو شائع ہوگی۔

الیکشن کمیشن کے اعلامیے کے مطابق حتمی انتخابی فہرستوں کی پرنٹنگ نادرا میں جاری ہے۔

الیکشن کمیشن کا کہنا ہے کہ مشاورت کے بعد ضابطہ اخلاق کی منظوری دی جائے گی، جبکہ باضابطہ نوٹیفکیشن آئندہ چند روز میں متوقع ہے۔

الیکشن کمیشن کے مطابق ڈی آر او، آر او اور پولنگ اسٹاف کی ٹریننگ کا پلان تیار کرلیا گیا ہے، الیکشن میٹریل کی خریداری بھی مکمل کرلی گئی ہے۔