وفاق کی جانب سے سندھ کو ایشیائی ترقیاتی بینک سے قرض کی منظوری نہ دیے جانے کے باعث کراچی میں 26 کلومیٹر طویل بی آرٹی کا کام سست رفتاری کا شکار ہے۔

ذرائع کے مطابق بی آر ٹی منصوبے میں مزید تاخیر ہوسکتی ہے، اب یہ منصوبہ مزید دو سال کے لئے تاخیر کا شکار ہوگیا ہے۔

ذرائع کے مطابق بینک نے 10 نومبر 2023 کا وقت دیا تھا۔

ڈالرز کی قیمتیں بڑھنے سے ٹھیکیداروں نے کام کی رقم بڑھانے کی درخواست کی تھی،جس کے بعد حکومت سندھ نے بینک کو 60 ملین ڈالر مزید دینے کیلئے مذاکرات کئے، ایشین بینک نے درخواست قبول کرتےہوئے مزید رقم دینے کی منظوری دی۔

ذرائع کا کہنا ہے کہ منصوبہ مقررہ وقت پر مکمل نہیں ہو پائے گا، منصوبے کو جون 2024 کو مکمل ہونا تھا، لیکن متعدد مسائل کی وجہ سے منصوبہ کھٹائی میں پڑ گیا۔

اس منصوبے میں 29 اسٹیشنز، دو ڈپو تعمیر کعنے ہیں اور ہائیبرڈ سی این جی بسیں خریدنی ہیں۔

اس کے ساتھ ساتھ انٹیلیجنٹ ٹرانسپورٹیشن سسٹم اور کرایوں کے طریقہ کار کی منصوبہ بندی کرنی ہے۔