انسداد دہشت گردی عدالت نے پی ٹی آئی کے سابق صوبائی وزیر کامران بنگش کو 2 کیسز میں رہا کرنے کا حکم دے دیا تاہم پولیس نے انہیں ایک اور کیس میں گرفتار کرکے ڈی آئی خان پولیس کے حوالے کردیا۔

پشاور کی انسداد دہشت گردی عدالت میں پولیس پر فائرنگ اور مراد سعید کو پناہ دینے سے متعلق کیس میں گرفتار سابق صوبائی وزیر کامران بنگش کی درخواست ضمانت پر سماعت ہوئی۔

انسداد دہشت گردی عدالت نے کامران بنگش کی ضمانت منظور کرلی اور سابق صوبائی وزیر کو رہا کرنے کا حکم دے دیا جبکہ ملزم کو 2 لاکھ روپے کے مچلکے جمع کرانے کا بھی حکم دیا۔

تاہم پولیس نے ضمانت سے قبل ہی کامران بنگش کو دوسرے کیس میں گرفتار کرلیا، اور انہیں ڈی آئی خان پولیس کے حوالے کردیا گیا۔ پولیس حکام نے بتایا کہ ڈی آئی خان میں کامران بنگش عوام کو اشتعال دلانے کا الزام ہے۔