کراچی میں نمائش چورنگی کے قریب بجلی کی عدم فراہمی کے خلاف علاقہ مکینوں نے احتجاج کیا، پولیس نے مظاہرین کو منتشر کرنے کے لے لاٹھی چارج کیا۔

کراچی کے علاقے نمائش چورنگی پر لائنز ایریا کے مکینوں نے بجلی عدم فراہمی کے خلاف احتجاج کیا، مظاہرین میں خواتین اور بچے بھی شامل تھے۔

مظاہرین نے نمائش چورنگی سے تاج کمپلیکس کی جانب جانے والی سڑک بند کردیا، مظاہرے کے بعد نمائش چورنگی کے اطراف سڑکوں پر بدترین ٹریفک جام ہوگیا۔

پولیس کی جانب سے مظاہرین کو منتشر کرنے کے لیے لاٹھی چارج کیا گیا، جس پر مظاہرین نے سڑک ٹریفک کے لیے کھول دی۔

مظاہرین کا کہنا ہے کہ طویل غیراعلانیہ لوڈشیڈنگ معمول بن گیا ہے، حکومت نے کے الیکٹرک کو بے لگام چھوڑ دیا ہے۔