سابق وزیر اعظم شہباز شریف اور مسلم لیگ (ن) کی چیف آرگنائزر مریم نواز کی سیکیورٹی سخت کردی ہے۔

ذرائع کے مطابق مریم نواز اور شہباز شریف کو جیمر والی گاڑیاں فراہم کردی گئی ہیں۔

اسپیشل برانچ نے ڈی آئی جی سیکیورٹی کے مراسلے پر جیمرز والی گاڑیاں فراہم کیں۔

مریم نواز اور شہباز شریف کی موومنٹ کے دوران جیمر والی گاڑیاں ساتھ چلیں گیں۔

ذرائع کا کہنا ہے کہ سیکیورٹی اسکواڈ کی چار گاڑیاں موومنٹ کے دوران اسکارٹ کریں گی۔

پولیس حکام کا کہنا ہے کہ رواں ہفتے آئی جی پنجاب نے دونوں شخصیات کو جیمرز والی گاڑیاں فراہم کرنے کا حکم دیا تھا۔

دونوں شخصیات کی رہائش گاہوں پر نفری بھی ڈیمانڈ کے مطابق تعینات کردی گئی ہے۔

میاں نواز شریف کی سیکیورٹی کے لئے تاحال ڈیمانڈ نہیں موصول ہوئی۔