نگراں وزیراعلیٰ سندھ مقبول باقر نے ہدایت دیتے ہوئے کہا کہ جاری منصوبوں کے دوروں سے متعلق اسباب و تفصیلات پیش کی جائیں۔

مقبول باقر کی زیرصدارت محکمہ ورکس اینڈسروس کا اجلاس ہوا، جس میں سیکرٹری ورکس اینڈ سروسز کی جانب سے ترقیاتی منصوبوں پر اقدامات اور وزٹ رپورٹس سے متعلق آگاہی دی گئی۔

وزیراعلیٰ سندھ نے ہدایات دیں کہ جاری منصوبوں کےدوروں سےمتعلق اسباب وتفصیلات پیش کی جائیں، بدعنوان افسران کے خلاف سخت محکمانہ کارروائی بھی کی جائے۔

انہوں نے کہا کہ مجوزہ ترقیاتی کاموں کے معائنہ کے طریقہ کار کو معقول بنایا جائے، بڑی اسکیموں کی کارکردگی کا باقاعدگی سے دورہ کرتے رہیں،غیرمعیاری کام میں ملوث افراد کے خلاف کارروائی کریں۔

نگراں وزیراعلیٰ نے کہا کہ ترقیاتی اسکیموں کی تقسیم میں رکاوٹ کے خاتمے کو یقینی بنائیں، اسکیموں کی توثیق کیلئے انجینئرنگ یونیورسٹی کی خدمات لی جائیں۔