اسپیشل انویسٹی گیشن یونٹ (ایس آئی یو) نے کراچی میں کارروائی کرتے ہوئے انتہائی مطلوب دہشت گرد کو گرفتار کرلیا۔

ایس ایس پی ایس آئی یو جنید شیخ کے مطابق ملزم پولیس اہلکاروں کے قتل سمیت 32 سنگین مقدمات میں مطلوب تھا۔

ایس ایس پی نے بتایا کہ گرفتار دہشت گرد کا تعلق کالعدم تنظیم سے ہے۔

ملزم کی شناخت ارشاد خان کے نام سے ہوئی ہے۔

ایس ایس پی جنید شیخ نے بتایا کہ دہشتگرد کو خفیہ اطلاع پر کارروائی کرکے گرفتار کیا گیا ہے، ‎گرفتار دہشتگرد سے تفتیش جاری ہے، خیبر پختونخوا پولیس سے رابطے میں ہیں۔