سول ایوی ایشن انتظامیہ نے کراچی کے جناح انٹرنیشنل ائرپورٹ پرسگریٹ نوشی اور پان، چھالیہ، گٹکے کے استعمال پرپابندی سخت کرنے کا فیصلہ کرلیا۔

ائرپورٹ کی حدود میں اس پابندی کااطلاق آئندہ ماہ چھ نومبر سے ہوگا۔

سول ایوی ایشن انتظامیہ کے مطابق پابندی پرعمل نہ کرنےوالوں کےخلاف سخت کارروائی کی جائے گی۔

اس حوالے سے ائرپورٹ،سی اے اے، ائرلائنزسمیت تمام ملازمین کوسخت احکامات جاری کردیے گئے ہیں۔

خلاف ورزی کرنے والے ملازمین کےائرپورٹ انٹری پاس منسوخ کردیےجائیں گے، جس کے لیے ائر پورٹ سیکیورٹی فورسز اور سی اے اے ویجیلنس کو سخت نگرانی کی ہدایت کردی گئی ہے۔

سی اے اے کے مطابق پان،چھالیہ،گٹکا،سگریٹ نوشی والوں کےخلاف ایک ہزارروپے جرمانہ بھی عائد کے جائے گا۔