وزیراعلیٰ سندھ نے پولیس تھانوں کی انسپیکشن سسٹم کیلئے آئی جی پولیس کوہدایت جاری کردی ہے، ہر ڈی ایس پی کو 15 دن میں پولیس تھانوں کا معائنہ کرنا ہوگا۔

وزیراعلیٰ سندھ نے کہا کہ ہر ڈی ایس پی کو15دن میں پولیس تھانوں کا معائنہ کرنا ہوگا، ایس پی ہر ماہ اپنے تھانوں کے معائنہ کو لازمی بنائیں۔

ڈی آئی جیز ہر تین ماہ بعد تھانوں کامعائنہ کریں، ایڈیشنل آئی جی ہر6 ماہ بعد تھانوں کا معائنہ کریں، آئی جی پولیس سال میں 2 بار تھانوں کامعائنہ کرے۔

اسسٹنٹ و ڈپٹی کمشنرز اور کمشنرز بھی تھانوں کا معائنہ کریں، معائنے کے دوران ریکارڈ چیک کیا جائے۔

غلفت کی نشاندہی پرمتعلقہ حکام کے خلاف کارروائی کی جائے، معائنےکی رپورٹ بھیجی جائے تاکہ مناسب کارروائی کی جاسکے۔