کراچی میں ہونے والے جی ڈی اے، ایم کیو ایم اور جے یو آئی اجلاس کی اندرونی کہانی منظرعام پرآگٸی۔

ذرائع کے مطابق تینوں جماعتوں پرمشتمل کوآرڈینیشن (رابطہ) کمیٹی بنادی گٸی۔ فی الحال یہ فیصلہ نہیں کیا جاسکا کہ کمیٹی میں ہرجماعت سے کتنے رہنما شامل کیے جائیں گے۔

ذرائع کا کہنا ہے کہ پہلے مرحلے میں جی ڈی اے ، ایم کیوایم اور جے یوآٸی تینوں جماعتوں کے رہنما کمیٹی میں شامل کیے جاٸیں گے۔

ہرجماعت سے دو یا تین افراد پرمشتمل کمیٹی ہوگی۔ اورتینوں جماعتوں سے نام پارٹی قیادت سے مشاورت کے بعد دیے جائیں گے۔ آٸندہ اجلاس میں رابطہ کمیٹی کے اراکین کے نام کااعلان کردیاجاٸے گا،

ذرائع کے مطابق اجلاس میں رہنماؤں نے اصرار کیا کہ اے این پی، ایس ٹی پی اور ن لیگ سمیت دیگر جماعتوں کو بھی اتحاد میں شامل کیا جائے۔

اجلاس میں شریک ایک رہنما نے دعویٰ کیا کہ پیپلز پارٹی کے دس سے پندرہ اہم رہنماء جی ڈی اے سے رابطے میں ہیں۔