کراچی میں جہانگیر، جمشید، کلیٹن اور مارٹن کوارٹرز کی جگہ پر نئے اپارتمنٹس تعمیر ہوں گے، نگراں وزیراعلی سندھ مقبول باقر نے پرانے کوٹرزکی جگہ اربن ری جنریشن پلان کے تحت منصوبے کی منظوری دے دی۔

نگران وزیراعلی جسٹس (ر) مقبول باقر کی زیرصدارت جہانگیر، جمشید، کلیٹن اور مارٹن کوارٹرزکی جگہ اربن ری جنریشن پلان سے متعلق اجلاس ہوا، جس میں حکام نے نگران وزیراعلیٰ کو بریفنگ دی۔

اجلاس میں فیصلہ ہوا کہ جہانگیر، جمشید، کلیٹن مارٹن کوارٹرز کی جگہ نئے اپارٹمنٹس بنائے جائیں گے، نگراں وزیراعلی کی پرانے کورٹرز کی جگہ اربن ری جنریشن منصوبے کی منظوری دے دی۔

نگراں وزیراعلیٰ کا کہنا تھا کہ عالمی بینک نے اپارٹمنٹس بنانے کی فزیبلٹی پرکام کا آغازکردیا ہے، اور محکمہ پی اینڈ ڈی اورعالمی بینک منصوبے پرکام کررہا ہے۔

نگراں وزیراعلیٰ نے کہا کہ پرانے کوارٹرز کی جگہ نئے اپارٹمنٹس، شاپنگ مالز، دفاتر، پارکس قائم ہوں گے، عوام کو لائبریری، تعلیم و صحت کی بہترین سہولیات قائم کی جائیں گی، نئے رہائشی منصوبہ کی تعمیر،علاقے کی خوبصورتی میں اضافہ ہوگا، جب کہ مکینوں کی بحالی میں حکومت بھرپور مدد کرے گی۔