کراچی میں قومی شاہراہ لنک روڈ پر قائم کیے جانے والے ٹول پلازہ اور وزن کانٹے کے خلاف ٹرانسپورٹرز کا دھرنا ساتویں روز میں داخل ہوچکا ہے، سپرہائی اور قومی شاہراہ کو ملانے والی اہم سڑک گزشتہ 6 روز سے بند ہے۔

ٹرانسپورٹرز اورانتظامیہ کے درمیان مذاکرات تاحال کامیاب نہ ہوسکے۔

ٹریفک پولیس کے مطابق ہزاروں کی تعداد میں ٹرانسپورٹرز نے اپنی گاڑیوں کو بند کرکے دھرنا دیا ہوا ہے۔

ٹرانسپورٹرز نے دعویٰ کیا ہے کہ مبینہ طور پر پولیس اور سیاسی جماعت کی ملی بھگت سے جعلی ٹول پلازہ اور وزن کانٹا قائم کیا گیا ہے، اسے ختم کیا جائے۔