شاہ فیصل کالونی نمبر 5 میں سگریٹ کمپنی کا سیلز مین تیسری بار لٹ گیا، واقعے کی ویڈیو بھی وائرل ہوگئی۔

کراچی میں اسٹریٹ کرائم کا جن بے قابو ہوگیا ہے، ڈاکو پہلے نقدی اور موبائل فون لوٹ رہے تھے اب سگریٹ بھی چھینے جارہے ہیں۔

کراچی کے علاقے شاہ فیصل کالونی نمبر 5 میں سگریٹ کمپنی کا سیلز مین تیسری بار لٹ گیا ہے، واردات کی سی سی ٹی فوٹیج منظرعام پر آگئی ہے۔

فوٹیج میں دو ملزمان کو سیلزمین کی تلاشی کے بعد سگریٹ کا کارٹن لے کر فرار ہوتے دیکھا جاسکتا ہے۔

ویڈیو میں دیکھا جاسکتا ہے کہ واردات کے دوران ملزمان نے سیلز مین کی تلاشی لی، تلاش کے بعد ملزمان نے نقدی اور موبائل فون چھوڑ دیا اور سگریٹ کا کاٹن اٹھا کر فرار ہوگئے۔