ڈسٹرکٹ پولیس آفیسر بٹگرام سونیا شمروز خان (PSP) کو اعلیٰ خدمات پر نیوزی لینڈ کے شہر آکلینڈ میں عالمی وومن پولیس ایوارڈ سے نواز دیا گیا، اور وہ یہ اعزاز حاصل کرنے والی ایشیا کی پہلی خاتون بن گئی ہیں۔

خیبر پختواہ پولیس نے منفرد اعزاز اپنے نام کرلیا ہے، اعلیٰ خدمات پر ڈسٹرکٹ پولیس آفیسر بٹگرام سونیا شمروز خان (PSP) کو نیوزی لینڈ کے شہر آکلینڈ میں عالمی وومن پولیس ایوارڈ سے نواز گیا ہے۔

سونیا شمروز خان (PSP) کو پروقار کانفرنس میں انٹرنیشنل ایسوسی ایشن آف وومن پولیس نے آفیسر آف دی ایئر ایوارڈ سے نوازا گیا ۔ اس کانفرنس میں دنیا بھر کے سفیر ، 75 ممالک کی 350 خواتین سمیت اہم شخصیات شریک تھیں۔

دنیا بھر میں پاکستان کا نام روشن کرنے والی فخر پاکستان سونیا شمروز خان (PSP) ڈسٹرکٹ پولیس آفیسر بٹگرام 60 سالہ تاریخ میں آفیسر آف دی ایئر ایوارڈ حاصل کرنے والی پہلی ایشیائی اور دوسری مسلمان خاتون ہیں۔

سونیا شمروز کا تعلق ایبٹ اباد سے ہے، اور وہ بطور ڈی پی او ضلع بٹگرام فرائض سر انجام دے رہی ہیں۔

سونیا شمروز نے اپنا یہ اعزاز صنفی امتیاز کی متاثرہ خواتین اور محنتی خواتین پولیس آفیسرز کے نام کیا ہے۔