عدالتی فیصلے پر تنقید ڈی ایس پی محمد عدنان کو مہنگی پڑگئی، پشاور ہائیکورٹ نے ڈی ایس پی محمد عدنان کے پوسٹ کا نوٹس لے لیا۔

پشاورہائیکورٹ نے نوٹس لیتے ہوئے ڈی ایس پی سٹی ڈی آئی خان محمد عدنان کو طلب کرلیا۔

پشاورہائیکورٹ کی جانب سے ڈی ایس پی عدنان کو طلبی کا نوٹس ارسال کردیا گیا۔

نوٹس میں کہا گیا ہے کہ عدالت کے خلاف غیراخلاقی اور توہین آمیز الفاظ استعمال کیے گئے۔

عدالت نے ڈی ایس پی کو 19 ستمبر کو چیف جسٹس کی عدالت میں پیش ہونے کا حکم دے دیا۔

یاد رہے کہ عدالت نے بلا وارنٹ گھر میں گھسنے پر ایس ایچ او کو 3 سال قید کی سزا سنائی تھی، جس پر ڈی ایس پی نے عدالتی فیصلے کے خلاف سوشل میڈیا پر پوسٹ کیا تھا۔