کراچی میں غیرقانونی طورپرمقیم افغان باشندوں کیخلاف آپریشن جاری ہے۔ مختلف تھانوں کی حدود سے مزید 65 افغان باشندے گرفتارکرلیے گئے۔

کراچی میں غیرقانونی طور پر مقیم افغان باشندوں کے خلاف آپریشن تھانہ نیو ٹاؤن ، تھانہ مبینہ ٹاؤن، تھانہ گلستان جوہر، تھانہ بلوچ کالونی ، تھانہ سچل ، تھانہ ایئرپورٹ اور تھانہ شرافی گوٹھ کی حدود میں کیا گیا۔

پولیس کی جانب سے کی جانے والی آج کی کارروائیوں میں 65 افغان باشندوں کو گرفتار کیا گیا۔

اڑتالیس گھنٹے کے دوران پولیس کے ہاتھوں گرفتار افغان باشندوں کی تعداد ڈیڑھ سو سے تجاوز کرگئی ہے۔

غیرقانونی افغانی باشندوں کو گرفتار کرکے فارن ایکٹ کے تحت مقدمات درج کرلیے گٸے۔

گرفتار کیے جانے والے افغان باشندوں سے پولیس کی مزید تفتیش جاری ہے۔