صدر مملکت ڈاکٹر عارف علوی سے سابق وفاقی وزیرمحمد علی درانی کی آف دی ریکارڈ ملاقات کی ہے، ایوان صدر میں دونوں شخصیات کی ملاقات 45 منٹ تک جاری رہی۔

ذرائع کے مطابق محمد علی درانی کی صدرعارف علوی سے جمعرات کی دوپہر ملاقات ہوئی، محمد علی درانی دوپہر 12 بج کر 40 منٹ پر ایوان صدر آئے اور 2 بج کر 10 منٹ پر باہر نکلے۔

ذرائع کا کہنا ہے کہ ایوان صدر نے ملاقات کو خفیہ رکھا اور اس کی کوئی باضابطہ خبر جاری نہیں کی۔

صدر عارف علوی کی مدت صدارت کے خاتمے سے پہلے آف دی ریکارڈ ملاقات معنی خیز ہے۔