ملک میں عام انتخابات سے قبل بیورو کریسی اور سرکاری افسران کے تبادلوں کا سلسلہ جاری ہے، الیکشن کمیشن نے انگراں صوبائی حکومت کی سفارش پر پولیس افسران، اور ڈپٹی کمشنرز تبدیل کردیے ہیں۔

پاکستان الیکشن کمیشن نے سندھ میں تعیناتیوں کی منظوری کا نوٹیفکیشن جاری کردیا ہے اور تمام کمشنرز تبدیل کرنے کی منظوری دے دی ہے۔

نگراں حکومت نے الیکشن کمیشن کو 6 سیکریٹریز مقرر کرنے کی تجویز بھی دی تھی ، لیکن الیکشن کمیشن نے اس کی مخالفت کردی۔

الیکشن کمیشن نے سندھ پولیس کے 40 افسران کے تقرر اور تبادلوں کا نوٹیفکیشن بھی جاری کردیا، جس کے مطابق خادم حسین رند ایڈینشل آئی جی کراچی ہوں گے۔

نوٹیفکیشن کے مطابق کے مطابق ایڈیشنل آئی جی، 8 ڈی آئی جیز،31 ایس پیز اور ایس ایس پیز کے تبادلے اور تقرری کی گئی ہے۔