درانی مہر کچے کے علاقے میں پولیس نے دو مغویوں کو بازیاب کروالیا، اللہ رکھیو اور فاروق قمبرانی کوگیارہ روز قبل گاؤں قمبرانی سے اغوا کیا گیا تھا۔

کندھ کوٹ میں درانی مہر کچے کے علاقے میں پولیس نے کامیاب کارروائی کرتے ہوئے اللہ رکھیو اور فاروق قمبرانی کو بازیاب کروا لیا۔

پولیس حکام کے مطابق اللہ رکھیو اور فاروق قمبرانی کو 11 روز قبل گاؤں قمبرانی سے اغوا کیا گیا تھا، اطلاع ملتے ہی ایس ایس پی امجد احمد شیخ کی ہدایات پر سی آئی اے انچارج ایاز کھیڑو اور ایس ایچ او قادر بخش بنگوار کی ٹیموں نے کاروائی کی۔

حکام کے مطابق کارروائی کے دوران پولیس کی فائرنگ سے ڈاکو فرار ہوگئے، جس پر پولیس نے ڈاکوؤں کے ٹھکانوں سے دو مغویوں کو بازیاب کرالیا۔

ایس ایس پی امجد احمد شیخ نے کہا کہ پولیس مغویوں کی بازیابی کے لیے آپریشن جاری رہے گا، جلد دیگر مغویوں کو بھی بازیاب کرالیا جائے گا۔