بھکر کے علاقے گوہر والا میں باپ کے تشدد سے زخمی ہونے والی دس سالہ بچی دوران علاج دم توڑ گئی، جب کہ پولیس نے ملزم کو گرفتارکرلیا ہے۔

بھکر کے نواحی علاقے گوہر والا میں سفاک باپ کے تشدد سے زخمی ہونے والی 10 سالہ بچی دوران علاج ملتان کے نشتراسپتال میں دم توڑ گئی ہے۔

پولیس حکام نے بتایا کہ بچی کو 3 روز قبل زخمی حالت میں نشتر اسپتال لایا گیا تھا، اسے اس کے والد نے چھریوں کے وار سے زخمی کیا تھا، تاہم زخموں کی تاب نہ لاتے ہوئے بچی آج دم توڑ گئی۔

پولیس نے انکشاف کیا کہ صابرنامی ملزم نے معمولی جھگڑے پر بیوی کو بھی قتل کردیا تھا۔

پولیس نے مقدمہ درج کرکے کے ملزم کو گرفتارکر لیا ہے۔