عمرکوٹ کے گاؤں حویلی میں ویمن پولیس نے شادی کی تقریب میں کارروائی کی ہے۔ خاتون ایس ایچ او کا کہنا ہے کہ شادی کی تقریب جبری طور پر منعقد کی گئی۔ پولیس نے دولہا، دلہن اور نکاح خواں کو گرفتار کرکے شادی رکوا دی۔

عمرکوٹ کے علاقے نیو چھوڑ میں کم عمر لڑکے اور لڑکی کی شادی کے دوران ویمن پولیس نے چھاپہ مارا۔ پولیس نے دولہا یاسین ساند کو گرفتار کرکے دلہن کو بازیاب کروا کر تحویل میں لے لیا۔

خاتون ایس ایچ او کا کہنا ہے کہ کراچی سے تعلق رکھنے والی کم عمر لڑکی کو سیف ہاؤس رکھا گیا ہے۔

عمرکوٹ پولیس نے نکاح خواں مولوی عبدالحفیظ اور سہولتکار دین محمد اور قادربخش کو بھی گرفتار کرلیا۔

واقعہ کا مقدمہ چائلڈ میرج ایکٹ کے تحت سرکار کی مدعیت میں درج کیا گیا۔

ویمن پولیس نے واقعہ کی تفصیلات بتائے ہوئے کہا کہ دولہا اور دلہن کو نیوچھوڑ کے گائون حویلی سے شادی کے دوران گرفتار کیا گیا۔

پولیس نے مزید بتایا کہ لڑکی کی عمر 14 سے 15 سال بتائی جاتی ہے اور اس کا شناختی کارڈ بھی نہیں بنا ہے۔