نگراں وزیر اعلیٰ پنجاب محسن نقوی نے تھانہ سٹی راولپنڈی کا دورہ کیا اور صفائی کے ناقص انتظامات پر ایس ایچ او کی سرزنش کی۔

نگراں وزیراعلیٰ محسن نقوی نے تھانہ سٹی کا اچانک دورہ کیا۔

محسن نقوی جب تھانے پہنچے تو انویسٹی گیشن روم میں پولیس اہلکار نیکر پہنے بیٹھا تھا۔

نگراں وزیر اعلیٰ نے تھانے میں صفائی ستھرائی کا جائزہ لیا اور صفائی کے ناقص انتظامات پر ایس ایچ او سے باز پُرس کی۔

محسن نقوی نے ایس ایچ او کو مخاطب کرتے ہوئے کہا کہ کیا آپ نے تھانے کے واش رومز استعمال کئے ہیں۔

اس موقع پر اظہار برہمی کرتے ہوئے پنجاب کے نگراں وزیر اعلیٰ نے ایس ایچ او کو واش رومز کے وزٹ کا حکم بھی دیا۔