کندھ کوٹ پولیس نے آپریشن کرتے ہوئے کچے کے ڈاکوؤں سے مزید ایک مغوی بچے کو بازیاب کرالیا۔

کچھ روز قبل ڈاکوؤں نے مغوی بچے صداقت ہاجانو پر تشدد کی وڈیو وائرل کی تھی۔

جس کے بعد ایس ایس پی امجد احمد شیخ کی ٹیم نے آپریشن کیا اور انہیں کامیابی حاصل ہوئی۔

پولیس نے بتایا کہ درانی مہر کچے میں دوران آپریشن فائرنگ کا تبادلہ ہوا، ڈاکو پولیس کی فائرنگ سے فرار ہوگئے۔

ڈاکوؤں کے فرار ہونے کے بعد پولیس نے ان کے ٹھکانے سے مغوی بچہ بازیاب کرالیا۔

پولیس کا کہنا ہے کہ پانچ مشکوک افراد بھی تحویل میں لیے گئے ہیں۔