انسپکٹر جنرل جیل خانہ جات خیبرپختونخوا نے سپرنٹنڈنٹ جیل خار کے خلاف جیل کے باورچی کے الزمات کے بعد انکوائری کی ہدایت کردی، خیبر پختونخوا کے نگراں وزیراعلیٰ کے معان خصوصی ہدایت اللہ آفریدی نے انکوائری کمیٹی تشکیل دیدی۔

باجوڑ خار جیل کے باورچی عبدالصمد کا کہنا ہے کہ جیل سپرنٹنڈنٹ بے جا تنگ کرتے ہیں، قیدیوں کے لئے جو راش لایا جاتا ہے وہ سپرنٹنڈنٹ زبردستی لے لیتے ہیں۔

باروچی نے آبدیدہ ہوتے میڈیا کو بتایا کہ سپرنٹنڈنٹ جیل خار کے ناروا رویے سے بہت تنگ ہوگیا ہوں۔

ویڈیو وائرل ہونے کے بعد انپسکٹر جنرل جیل خانہ جات نے سپر نٹنڈنٹ جیل خار کے خلاف انکوائری کی ہدایت کی۔

باجوڑ خار جیل کے باورچی عبدالصمد کے الزامات کے بعد معاون خصوصی جیل خانہ جات نے بھی معاملے پر کیمٹی تشکیل دیدی اور ان سے پانچ دن میں رپورٹ طلب کرلی۔