گلستان جوہر کے بعد اورنگی ٹاؤن میں لڑکی کے ساتھ بدتمیزی کا واقعہ پیش آیا ہے، جس کی ویڈیو ”آج نیوز“ نے حاصل کرلی۔

کراچی میں راہ چلتی خواتین غیر محفوظ ہیں، چند روز قبل گلستان جوہر میں ایک خاتون کے ساتھ نازبیا حرکت کا واقعہ سامنے آیا تھا، اور اب اورنگی ٹاؤن میں بھی لڑکی کے ساتھ بدتمیزی کا واقعہ پیش آیا ہے۔

واقعے کی سی سی ٹی وی فوٹیج آج نیوز کو موصول ہوگئی ہے، جس میں ملزم کو واضح طور پر دیکھا جا سکتا ہے۔ ویڈیو میں موٹر سائیکل سوار ملزم کی لڑکی کے ساتھ نازیبا حرکت کو بھی واضح طور پر دیکھا جاسکتا ہے۔

واقعہ تھانہ اورنگی کی حدود میں مجاہد گلی کے قریب پیش آیا۔