ایف آئی اے خاتون کو جنسی طور پر ہراساں کرنے والے ملزم کو گرفتار کر لیا، اور اس کے قبضے خاتون کی نازیبا ویڈیوز بھی برآمد کرلیں۔

ایف آئی اے سائبرکرائم سرکل گوجرانولہ نے کامیاب کارروائی کے دوران خاتون کو جنسی طور پر ہراساں کرنے میں ملوث ملزم کو گرفتار کر لیا، ملزم کی شناخت لاریب رسول کے نام سے ہوئی ہے، جس کا تعلق جہلم سے ہے۔

ترجمان ایف آئی اے کے مطابق ملزم لاریب رسول نے خاتون کو ورغلا کر اس کی نازیبا ویڈیوز ریکارڈ کیں، اور پھر ریکارڈ کردہ ویڈیوز خاتون کے رشتہ داروں کو بھی بھیجیں۔

ترجمان ایف آئی اے نے بتایا کہ ملزم گزشتہ کئی ماہ سے قابل اعتراض ویڈیوزکی آڑ میں متاثرہ کو بلیک میل کر رہا تھا، جس کی نشاندہی پر ایف آئی اے نے کارروائی کرکے ملزم کو گرفتار کیا اور اس کے موبائل سے واٹس ایپ اکاؤنٹ اور قابل اعتراض ڈیٹا برآمد کر لیا۔

ترجمان ایف آئی کے مطابق ملزم سے برآمد ہونے والا موبائل اور قابل اعتراض ڈیٹا فرانزک کے لئے لیبارٹری بھجوا دیا گیا ہے، جب کہ ملزم کے خلاف پیکا ایکٹ کے تحت مقدمہ درج کر لیا گیا ہے۔