خیبرپختونخوا کے شہر پشاور میں چند روز قبل سرکاری ٹی وی کے کیمرہ مین کے قتل کا ڈراپ سین ہوگیا۔ پولیس کا کہنا ہے کہ قتل میں بیٹی اور داماد ہی ملوث ہیں۔

پولیس کا کہنا ہے کہ دونوں ملزموں کو گرفتار کرکے اسلحہ بھی برآمد کرلیا گیا ہے۔

پولیس نے مزید بتایا کہ بیٹی اور داماد نے پیسوں کی لالچ میں کمیرہ میں کو قتل کیا اور واردات کے بعد دونوں اسلام آباد چلے گئے تھے۔

یاد رہے کہ چند روز قبل سرکاری ٹی وی کے کیمرہ کو نامعلوم ملزمان نے گھر کے اندر قتل کردیا تھا۔

واقعہ کی اطلاع ملتے ہی پولیس موقع پر پہنچی تھی اور شواہد اکھٹے کرکے تحقیقات کا آغاز کیا اور بالآخر ملزمان تک پہنچ گئی۔

لاش ملنے کے بعد پولیس کا کہنا تھا کہ مقتول گھر میں اکیلا رہائش پذیر تھا، لاش کو پوسٹ مارٹم کے لئے اسپتال منتقل کیا گیا جبکہ نامعلوم ملزمان کیخلاف مقدمہ درج کرکے کارروائی شروع کی گئی۔