اسلام آباد میں گٹر کا ڈھکن نہ ہونے کے باعث باپ اور بیٹا موت کے منہ میں چلے گئے۔

وفاقی دارالحکومت اسلام آباد کے آئی ٹین فور میں افسوسناک واقعہ پیش آیا جہاں 15 سالہ لڑکا گٹر کا ڈھکن نہ ہونے کی وجہ سے گٹر میں گر گیا، اور موت کے منہ میں چلا گیا۔

ذرائع کے مطابق بچے کو نکالنے کے لئے والد نے بھی گٹر میں چھلانگ لگادی، تاہم دم گھٹنے کے باعث باپ اور بیٹا دونوں جان کی بازی ہار گئے۔

ریسکیو ذرائع کے مطابق مرنے والوں کی شناخت 15 سالہ عبدالرحمان اور ارشد کے نام سے ہوئی ہے۔ تاہم ابھی تک دونوں کی لاشیں گٹر سے نہیں نکالی جاسکیں، لاشیں نکالنے کے لئے ریسکیو آپریشن شروع کر دیا گیا ہے۔