لاہور کے علاقے ٹاؤن شپ پیکو روڈ پر سڑک پر دس فٹ گہرا شگاف پڑ گیا۔

بارشوں کے بعد سڑک پر پڑنے والے شگاف سے ٹریفک کی روانی متاثر ہوئی۔

پیکو روڈ پر پڑنے والا شگاف 10 فٹ گہرا ہونے کے ساتھ 10 فٹ چوڑا بھی ہے۔

سڑک پر گڑھا پڑنے کی اطلاع ملنے کے بعد ضلعی انتظامیہ نے بحالی کا کام شروع کردیا۔

یاد رہے کہ لاہور میں گزشتہ دنوں ریکارڈ بارشیں ہوئیں جس کے بعد نشیبی علاقے زیر آب آگئے جبکہ بارش کے وقت اہم سڑکیں تالاب کا منظر پیش کررہی تھیں۔