انسداد دہشتگردی عدالت لاہور نے پاکستان تحریک انصاف ( پی ٹی آئی) کے چیئرمین کی بہن علیمہ خان اور عظمیٰ خان کی تین مقدمات میں عبوری ضمانتیں منظور کرلیں۔

چیئرمین پی ٹی آئی کی ہمشیرہ علیمہ خان اور عظمیٰ خان کی جناح ہاؤس پر حملے سمیت 3 مقدمات میں عبوری ضمانت پر سماعت انسداد دہشتگردی عدالت میں ہوئی۔

تھانہ سرور روڈ اور ماڈل ٹاؤن پولیس نے علیمہ خان اور عظمیٰ خان کے خلاف مقدمات درج کر رکھے ہیں۔

یاد رہے کہ گذشتہ روز انسداد دہشت گردی عدالت نے ملزمان کے ناقابل ضمانت وارنٹ گرفتاری جاری کیے تھے۔

عدالت نے علیمہ خان اور عظمیٰ خان کی عبوری ضمانتیں 8 اگست تک منظور کرلیں۔ عدالت نے ایک ایک لاکھ روپے کے مچلکوں کے عوض ضمانتیں منظور کیں۔