لاہور کی انسداد دہشت گردی عدالت نے ھماکا خیز بارودی مواد برآمد گی کیس میں تین دہشت گردوں کو سزا سنا دی۔

عدالت نے جرم ثابت ہونے پر 3 دہشت گردوں مجرم سبحان، جامداد اور لقمان کو عمر قید اور جرمانے کی سزا سنائی۔ عدالت نے مجرموں کی جائیداد ضبط کرنے کا بھی حکم دیا۔

عدالت سے سزا پانے والے مجرموں کے خلاف تھانہ سی ٹی ڈی میں مقدمہ درج تھا، پراسیکیوٹر کا کہنا ہے کہ مجرموں سے بارودی مواد برآمد کیا گیا۔ سرکاری وکیل نے کہا کہ مجرم مختلف دہشت گردی کے واقعات میں ملوث ہیں۔