گرمی میں قربانی کے جانوروں کی کھالوں کو بر وقت محفوظ نہ کئے جانے سے کھالیں ضائع ہوجاتی ہے۔ کوئٹہ کی منڈیوں میں چھوٹے جانوروں کی کھال کی قیمت محض پچاس سے سو روپے ہوگئی۔

بیرون ملک جانوروں کے چمڑے کی طلب کم ہونے سے کوئٹہ میں چمڑا سازی کی صنعت زبوں حالی کا شکار ہے۔

اس کاروبار سے وابستہ افراد کا کہنا ہے کہ کھالوں کو ضائع ہونے سے بچانے اور بر وقت حفاظتی اقدام نہ ہونے سے قیمتی کھال کچرا بن جاتی ہے اور کسی استعمال میں نہیں آتی۔

کھالوں کو گلنے اور سڑنے سے بچانے کے لئے ہر روز نمک لگا کر اسے صاف کیا جاتا ہے جس کے لئے انتھک محنت درکار ہوتی ہے۔

تاجروں کا کہنا ہے کہ ڈیڑھ لاکھ والے سپر بکرے کی کھال کی قیمت سو روپے ہے۔ گھاٹے کا سودا ہونے کے باعث اکثر دکانیں بند ہوچکی ہیں۔