محکمہ صحت سندھ کا کہنا ہے کہ کراچی کے علاقے شیدی گوٹھ ملیر میں ہیضہ وبائی شکل اختیار کرگیا۔

صوبائی محکمہ صحت کا کہنا ہے کہ شیدی گوٹھ میں 40 سالہ خاتون ہیضہ سے جاں بحق ہوئی، 28 جون سے 4 جولائی تک ہیضے کے 259 کیسز رپورٹ ہوئے، جس میں سے 256 افراد میں ڈائریا اور 3 میں ہیضے کی تصدیق ہوئی۔

محکمہ صحت سندھ کے مطابق ہیضہ اور ڈائریا پھیلنے کی بنیادی وجہ آلودہ پانی ہے، آلودہ پانی کے نمونے حاصل کئے گئے ہیں، مضر صحت پانی ہیضہ پھیلا رہا ہے۔

متاثرہ علاقوں میں طبی سہولیات کے حوالے سے محکمہ صحت نے بتایا کہ 28 جون سے ہی مریضوں کی دیکھ بھال کا سلسلہ جاری ہے، متاثرہ علاقوں میں تمام ضروری ادویات پہنچا دی گئی ہیں۔