قرآن پاک کی بے حرمتی کیخلاف خیبرپختونخوا بار کونسل نے ہڑتال کردی۔وکلا نے ریلی بھی نکالی۔

سویڈن میں قرآن پاک کی بے حرمتی کیخلاف بار کونسل کی ہڑتال کی وجہ سے خیبرپختونخوا کی عدالتوں میں آج منگل کو وکلاء پیش نہیں ہورہے۔

بار کونسل نے مطالبہ کیا ہے کہ سویڈن سے سفارتی تعلقات منقطع کرکے سفیر واپس بلایا جائے جبکہ اقوام متحدہ کے ذریعے پروپیگنڈا کیخلاف موثر اقدامات اٹھائے جائے۔

پشاور کے وکلاء نے ہائیکورٹ سے اسمبلی چوک تک ریلی نکالی اور سویڈن سفارت خانہ بند کرنے کا مطالبہ کیا۔

وکلا کا کہنا تھا کہ جب تک سویڈن حکومت معافی نہیں مانگتی سفارت خانہ بند رکھا جائے، وکلاء کا مطالبہ

انہوں نے کہاکہ سویڈن حکومت واقعہ میں ملوث افراد کیخلاف سخت کارروائی کرے۔

قرآن کی بے حرمتی پر گزشتہ روز بھی وکلاء نے صوبے بھر میں یوم سیاہ منایا تھا۔ بار کونسل نے چارسدہ میں بھی چند ماہ قبل قرآن مجید کی بے حرمتی کی مذمت کرتے ہوئے واقعہ میں ملوث ملزمان کو جلد گرفتار کرنے کا مطالبہ کیا ہے۔